Ұстаз аты- биік, әрі мәңгілік

Жетісу ұстаздары кәсіби мереке қарсаңында марапатталып, еңбектері бағаланды. Жетісу облысының әкімі Исабаев Бейбіт Өксікбайұлы ұстаздарға алғысын, жылы лебізін білдірді. Республикалық педагогтер съезінде Президентіміз Қасым-Жомарт Кемелұлы Тоқаевтың берген тапсырмаларына тоқталып, Білім басқармасына, Білім бөлімдеріне жұмысты тыңғылықты жүзеге асыруды тапсырды. Әділ де ашық, креативті оқушылды тәрбиелеу, оларға инновациялық бағыт -бағдар беретін заманауи педагогтерді қолдауды жандандыру қажеттілігін атап өтті. Жетісу облысында жүзеге асырылып жатқан “Әдеп жөніндегі ментор” пилоттық жобасына тоқталды.
Ұстаздық еңбегі еленген ардагер әріптестеріміз, сала майталмандары құрметке бөленіп, мадақталды. Мерекелік концерт Ұстаздар қауымының көңілін көтеріп, шабыт сыйлағаны анық.